Երեկ երեկոյան ընդդիմությունը որոշել էր օգտագործել Հանրապետության հրապարակում թույլատրված հանրային միջոցառումը՝ բողոքի ակցիա կազմակերպել։
Ժամը 20։30-ի կողմերն էր։ Օդապարիկների համերգը սկսվել էր։ Մեկ էլ ընդդիմադիրները՝ մի 100-150 հոգի երեւի, սկսեցին արտգործնախարարության մոտից «Լե-վոն», «Ա-զատ, ան-կախ Հա-յաս-տան», «Սեր-ժիկ հե-ռա-ցիր» վանկարկելով քայլել դեպի Աբովյան փողոց։ Ոստիկանները եկան ու ցուցարարներին բրդեցին Բյուզանդի նեղ փողոցը։ Մեկ-երկու հոգու ծեծեցին քաղաքացիական հագուստով ոստիկանները։
Մի ժամի չափ էտ համերգը շարունակվում էր, բողոքի ակցիայի մասնակիցները մտածում էին, թե ինչ անեն։ Վերջը որոշեցին գնալ Հյուսիսային պողոտա։
Կամաց-կամաց շարժվեցի էնտեղ ու հավաքվելով սկսեցին էլի վանկարկել «Լե-վոն», «Ա-զա-տու-թյուն»
Դե, երեկ ոստիկանությունը չէր եկել Հյուսիսային պողոտա։ Մի բոլ վանկարկեցին, մեկ էլ «տու-լու, լու-լու»՝ ոստիկանները եկան։
Եկան հավաքվածներին քշեցին ներքեւ։
Ու այստեղ եղավ հայտնի «Մինչեւ ձին մեկ-երկու-երեք-չորս անի, դու մեկ-երկյու, մեկ-երկու կանես»-ը՝ մինչեւ ոստիկանները իրենց մեքենաներով կհասնեին Հանրապետության հրապարակ, Տեր-Պետրոսյանի հարյուրավոր կողմնակիցները Հյուսիսային պողոտայով հասան էնտեղ ու շարունակեցին վանկարկել «Լե-վոն», «Սեր-ժիկ հե-ռա-ցիր»։
Դե ոստիկանները մի 5 10 րոպեից հասան եւ էլի ցրեցին բողոքի ակցիայի մասնակիցներին, բայց, համերգի ընթացքում նրանք արդեն սրտների ուզածի չափ վանկարկել էին…
Ու էտդեղ համերգն էլ վերջացավ, բողոքի ակցիան էլ…
Այ էսպիսի բռնոցի… Tags: election-2008, police, politics
|
![[info]](http://p-stat.livejournal.com/img/userinfo.gif){kind=small}
reporter_arm's journal
Previous
