An Armenian Reporter's Notes

Technorati-ն հրապարակել է բլոգոսֆերայի 2008թ.-ի վիճակի վերաբերյալ զեկույց։Շատ հետաքրքիրն է։

Ասեմ, որ Դիտորդում հայկական բլոգոսֆերայի վերաբերյալ փոդքաստերը շարունակվում են։ Դրանք նաեւ հեռարձակվում են Ռադիո Հայ-ով, ամեն շաբաթ օր, առավոտյան 9-ին։

Վերջին երկու փոդքաստերը այստեղ եւ այստեղ։

Հունիսի 7-8-ին Թբիլիսիում կայացավ Barcamp Caucasus-ը։ 
Հայաստանից, բլոգերների այս ոչ պաշտոնական հավաքին մասնակցում էր 11 մարդ։ 
(Չ)կոնֆերանսը հետաքրիր էր՝ նոր մարդիկ, նոր տեխնոլոգիաներ, նոր զարգացումներ։ Հույս ունեմ, Հայաստանի Նոր Մեդիաների դաշտում մոտ ապագայում կհայտնվեն այդ մի քանի օրերի շփումների արդյունքները՝ նոր նախագծերի եւ գուցե, հայկական Բարքեմպի(երի) տեսքով։

Կարդացի նաեւ Փղի գրառումը այս միջացառման մասին։ Հետաքրքիր էր։ Մեր պրեզենտացիայի թեման, կարծում եմ, բացարձակ ճիշտ էր ընտրված։ Դրա մասին էր, որ պետք էր պատմել, որովհետեւ, հենց նախընտրական, ընտրական,եւ արտակարգ դրության պայմաններում հայկակական բլոգոսֆերայի աշխատանքը, կարծում եմ, այն էր, ինչ Նոր Մեդիաների ոլորտում եղել է Հայաստանում վերջին ժամանակներում։

Ասեմ, որ Barcamp Caucasus-ի մասին տեղեկատվությունը ինտերնետում կար մոտ երկու ամիս առաջ։ Բոլոր ցանկացողները կարող էին մասնակցել այդ միջացառմանը, եւ, ասենք, պրեզենտացիա անել ցանկացած թեմաներով՝ առանց ներքին վեճերը դուրս հանելու։ Ասենք, Երեւանի, Հայաստանի տեսարժան վայրերի, պատմամշակութային հուշարձանների նկարներով։ 

Նորից ասեմ, որ ամեն մեկը կարող էր ինքն ընտրել, թե ինչպես հայտնվել այդ միջացառմանը։ Կազմակերպիչները, նաեւ ճամփորդական դրամաշնորհներ էին տալիս։ 

Ես, իմ կողմից հնարավոր ամեն ինչ արել եմ, որ Հայաստանից առավելագույն թվով մարդ մեկնի Թբիլիսի։ Ու Փիղն էլ, մասնավորապես, իմ ու Դիտորդի ջանքերից, շնորհակալություն հայտնելով, օգտվել ու շատ ճիշտ է արել։