An Armenian Reporter's Notes

Շարունակելով Փղի սկսած թեման, ներկայացնում եմ Գյումրիի ժուռնալիստների «Ասպարեզ» ակումբի վերլուծությունը պետության համար 2007, 2008 թթ եւ 2009թ. առաջին կիսամյակին պետության համար գնված գաղտնիք չպարունակող ավտոմեքենաների մասին։

Ստացվել է այսպիսի պատկեր.

Պետության կարիքների համար 2007, 2008թթ եւ 2009թ.առաջին կիսամյակի ընթացքում պետական կամ ծառայողական գաղտնիք չպարունակող ավտոմեքենաների գնումների հանրագումարային ամփոփագիր
	ավտոմեքենա հատ	դրամ	ավտոմեքենայի միջին գին
2007	250	1 666 843 000,00	6 667 372,00
2008	360	2 659 731 000,00	7 388 141,67
2009 առաջին կիսամյակ	114	808 846 500,00	7 095 144,74
Ընդամենը	724	5 135 420 500,00	7 093 122,24

Այլ մանրամասներ ու գրաֆիկներ՝ Ասպարեզի սայթում։

Ծանոթս պատմում է, որ հուլիսին գնացել է հարկային՝ ՀԴՄ-ի իր 3 ամսվա կտրոների բոնուսը ստանալու թղթի հետեւից։ Ու տեսել է, որ հսկայական հերթ է։
Որոշել է սպասել եւ օգոստոսի վերջեին նորից է այցելել հարկային։ Հերթն ավելի մեծ է եղել։ Նա նաեւ հերթում առաջին այցելության ժամանակ հանդիպած ծանոթ դեմքեր է նկատել։
Նրան ասել են, որ այստեղ առավոտյան ժամը 9-ին ներս մտնելու համար հերթագրվում են գիշերվա ժամը 1-ից սկսած։ Ու բարի խորհուրդ են տվել՝ ՀԴՄ կտրոնները կես գնով տալ մշտական հերթ կանգնողներին։
Ծանթոս այդպես էլ արել է։ Պետք է ստանար 10 հազար դրամ, 5 հազարով կտրոնները տվել է հերթի մարդկանցից մեկից ու վերադարձել իր գործին։

Շաբաթ օրը լռվել էինք հայ-վրացական սահմանին։ Բագրատաշենում։ Մի 2 ժամով։ Նստել ենք տեղի «օբեկտ»-ներից մեկում։ Կողքի սեղանին հաստափորավիզ մաքսավորներ են։ Ըստ երեւույթին՝ ղեկավար կազմից։ Մոտենում է մաքսային տեսուչը եւ հարցնում.
- Ծիրան են ուզում արտահանել, ի՞նչ անեմ։
-Չես թողնում, մնում է՝ փչանում է,- հանգիստ պատասխանում է մյուս մաքսավորը։ Ըստ երեւույթին տեղի գլխավորներից մեկը։

Non-no-ն եւ ոչ միայն նա գրում են դեղատներում եւ այլ վայրերում ՀԴՄ կտրոններ չտրամադրելու դեպքերի մասին։ 
ԱԺ-ում էի։ Տեղի բուֆետում ՀԴՄ կտրոն չեն տալիս։ ՀԴՄ ապարատը կա, կտրոնները՝ կտրուկ բացակայում են։
Այսօր էտ բուֆետում ճաշում էր Պետեկամուտների կոմիտեի նախագահի տեղակալ Ահարոն Չիլինգարյանը։ Ու ոչինչ։ Մեկ է՝ ՀԴՄ կտրոն չէին տալիս։ Չգիտեմ՝ Չիլինգարյանին տվել էին, թե՞ ոչ։ Մյուս առեւտուր անողները կտրոնի չէին արժանանում։

Վարչապետ Տիգրան Սարգսյանի երեկվա հարցազրույցը տեսե՞լ եք։
Մի հատված. «եւ դրամը լողանալու է 360-380-ի շրջանակներում»...

ԿԲ-ն ուղարկեց պաշտոնական կուրսերը։

USD-372.11
EUR-469.517
RUB-10.266

Այսօրվանից դրամը լողում է։ Ժամը 12։30-ին բանկերում ու «չենջերում» ԱՄՆ դոլարը վաճառվում էր 380-400 դրամով։

ԿԲ-ն հայտարարել է լողացող կուրսի մասին։ ՀԲ-ն պաշտպանում է լողացող կուրսը։

Էս էլ վիդեոն։

«Բջնիի» աճուրդը մեկնարկել է։Այն ընթանում է այս հասցեում, որտեղից տեղեկանում ենք՝
Համար: 102135
Անվանում: «Բջնի», հանքային ջրերի գործարանի գույքը
Ընթացիկ առաջարկ: 4 934 843 264.3 դրամ
Սկիզբը: 2008-12-19 17:19:37
Ավարտը: 2008-12-29 17:19:37
Մնացած ժամանակը: 7օր 5ժ
Առաջարկների քանակը: 0 առաջարկ 
Մեկնարկային գին: 4 934 843 264.3 դրամ 
Գտնվելու վայրը: Կոտայքի մարզ։

P.S. Ենթադրում եմ, որ գնման առաջարկ չի լինելու...

Երեկվանից լրատվամիջոցները հայտնում են Հայաստանում բջջային կապի երրորդ օպերատորի մրցույթի մասին լուրը։

Ազգը գրում է։
Հանրային ծառայությունները կարգավորող հանձնաժողովը երեկ հաստատեց Հայաստանում բջջային կապի երրորդ օպերատորի մրցութային փաստաթղթերի փաթեթը: Ինչպես հարցի ներկայացման ժամանակ հայտնեց հանձնաժողովի հեռահաղորդակցության վարչության պետ Գեւորգ Գեւորգյանը, մրցույթի հայտարարությունը կտեղադրվի Wall Street Journal կամ Financial Times թերթերում, որից 90 օր հետո հայտնի կդառնա բջջային կապի երրորդ օպերատորի անունը: Մրցութային փաթեթի ձեռքբերման համար ցանկություն հայտնող ընկերությունները պետք է վճարեն 10 հազար եվրո, իսկ այն ընկերությունները, որոնք կանցնեն մրցույթի հաջորդ՝ առաջարկների ներկայացման փուլ, պետք է վճարեն 10 մլն եվրո: Հաղթող ընկերությունը 10 օրվա ընթացքում կսկսի իր գործունեությունը: Նրան տրամադրվելու է 15 տարվա գործունեության ժամկետ: Բջջային կապի երրորդ օպերատորին կտրվեն 055 եւ 095 հեռախոսային կոդերը:

Լավ է, շատ լավ է։ 

Ուղղակի Երեւանի կեսը հաստատ գիտի, որ էտ երրորդ օպերատորը լինելու է ռուսական Մեգաֆոնը։ Այն կապի օպերատորը, որը կարծես թե, պատկանում է  Պուտինի կնոջը։ 
Ասում են՝ Մեգաֆոնին Հայաստանում բերելու պայմանավորվածությունը դեռ անցած տարվանից կա։ 
Ես, որ չեմ կասկածում՝ էտ ձեւական մրցույթում հաղթելու է Մեգաֆոնը։ Հիմա մրցույթը անում են, որ ի՞նչ։ 
Էտ մրցույթ միջոցառման անունը ձեւաթափություն է։

Երեկ վարչապետ Տիգրան Սարգսյանը հայտարարեց, որ գազի գինը Հայաստանում բարձրանալու է եւ կազմելու է 84 դրամ մեկ խորանարդ մետրի համար։ 

Սա սպասվող նորություն էր։ Բնակիչները վաղուց սպառած գազի համար վճարում էին դոտացիայով։ Պետությունը գինը դոտացիա էր անում ռուսներին տրված Հրազդանի ՋԷԿ-ի 5-րդ էներգաբլոկի գումարների հաշվին։ Ու ահա, այդ փողը վերջացավ։ Ու վերջացավ հենց Ռոբերտ Քոչարյանի իշխանությունից հեռանալուց հետո, ընտրությունների ավարտից հետո։
Սա իրոք, ծանր ժառանգություն է Սերժ Սարգսյանի համար, որովհետեւ, կարծես, գների թանկացումից հնարավոր չի լինի խուսափել։ Ինչպես ասում են, «նոր մարտահրավեր» նոր նախագահի համար։

Տեսնենք, ինչպես կհաղթահարի նախորդ նախագահի թողած դժվարությունները նոր նախագահը։

Ինձ համար ասեմ, որ համաձայն եմ, թեկուզ գործող սակագնի կրկնակին վճարել գազի համար, միայն թե ռուսների ազդեցությունը Հայաստանում նվազի։

 2008թ.-ի հունվարի մեկից ԱՄՆ վիզայի գինը թանկանում է՝ 100-ից դառնում է 131 ԱՄն դոլար։

Էս մասին գրում է «Արմինֆո»-ն ու ներկայացնում բացատրությունները.

С 1 января 2008 года цена визы в США для неиммигрантов повысится со $100 до $131. Об этом на брифинге заявил консул посольства США в Армении Робин Бусс (Robin Busse).

По его словам, повышение цены на визу для въезда в США касается не только Армении, но и всего мира. Причина повышения цены на визу обусловлена двумя факторами. Во- первых, фактическим ценообразованием процедуры рассмотрения заявки для получения визы, которая превышает $100. Кроме того, процедура предусматривает новые механизмы проверки с целью повышения безопасности и исключения фальсификации. Она подразумевает отправку отпечаток с 10 пальцев заявителя в Федеральное бюро расследований. При этом консул заверил, что процедура такой проверки не займет много времени, поскольку все данные будут переправляться в электронной версии.

Հարկային ծառայությունը հրապարակել է 2007-ի առաջին 9 ամիսների խոշոր հարկատուների ցուցակը։ Առաջատարը Զանգեզուրի պղնձամոլիբդենային կոմբինատն է (Քաջարան), որը պետբյուջ է վճարել ավելի քան 20 մլրդ դրամ։ Երկրորդ տեղում Հայռուսգազարդն է՝ 16,52 մլրդ դրամ։ 
3-րդ եւ 4-րդ տեղերում հեռախոսային ընկերություններն են՝ «Արմենտելը» (14,19 մլրդ դրամ) եւ «Ղ-Տելեկոմը» (10,14 մլրդ դրամ)։
Հնգյակը եզրափակում է բենզին եւ դիզվառելիք ներկրող «Ֆլեշը»՝ 7,033 մլրդ դրամ։

Խոշոր հարկատուների առաջին 20-յակում ընդգրկված հայտնի ընկերություններից են շաքարավազային մագնատ «Սալեքսը», Էլ ցանցերը, ՀԱԷԿ-ը, Ինտերնեյշնլ Մասիս Տոբակոն, Գրանդ Տոբակոն, Արմենիա միջազգային օդանավակայանը, Արմենիա Լադան, Միկա Արմենիան, Կոկա Կոլան, Գրանդ Քենդին։

Հրապարակվել է նաեւ 100 եւ ավելի աշխատող ունեցող ընկերությունների ցուցակը։  Այստեղ առաջատարը Էլ. ցանցերն են՝ 8004 հայտարարագրված աշխատող (պետք է ենթադրել, որ հիմնականում՝ էլեկտրիկ), Հայռուսգազարդը՝ 5703 աշխատող(«գազի մարդիկ»), «Արմենտելը»՝ 4641 աշխատող, Հայկական երկաթուղին 4240 աշխատող (հետաքրքիր է , այս աներկաթուղի երկրում ի՞նչ են անում այդքան շատ երկաթուղայինները) Հայփոստը՝ 3853, Զանգեզուրի պղնձամոլիբդենային կոմբինատը՝ 2865, գրեթե չաշխատող Նաիրիտը՝ 2232, Ջրմուղկոյուղին՝ 1828 «ջրի մարդ»։