An Armenian Reporter's Notes

Վաղը՝ ապրիլի 9-ին, կայանալու է Սերժ Սարգսյանի՝ ՀՀ նախագահի պաշտոնում պաշտոնամուտի արարողությունը։

Այդ առիթով Օպերայի շենքում Ազգային Ժողովի հատուկ նիստ է հրավիրվում։

ԱԺ նախագահ Տիգրան Թորոսյանը պատգամավորներին հրավերների ծրարներ է ուղարկել, որոնց մեջ նիստին մասնակցելու պայմաններն են։ 

Ուրեմն, հատուկ նիստին մասնակցել ցանկացող պատգամավորը պետք է.

1, ներկա լինի նիստը սկսվելուց 45 րոպե 

2, նիստի ընթացքում անջատի բջջային հեռախոսը 

3, չօգտագործի լուսանկարչական սարքեր

4,  ԱԺ հատուկ նիստին պետք է ներկայանա անձը հաստատող փաստաթղթով

5, Հատուկ նիստին չներկայանալու դեպքում պատգամավորը պարտավոր է այդ մասին տեղյալ պահել ԱԺ ղեկավարությանը։

Գնացել էի Ազգային Ժողով։ Ընդմիջում էր։ Բուֆետում մի սեղանի մոտ հավաքված էին ԱԺ ՀՀԿ խմբակցության 5-6 անդամ։ Խմում էին օղի՝ լցված հյութի բաժակներում։ Նշում էին իրենց հաղթանակը…

Ոնց որ թե հարցը պարզվում է… 

Ռոբերտ Քոչարյանը կդառնա ՀՀ վարչապետ։ Նա կզբաղեցնի այդ պաշտոնը երկրորդ անգամ (առաջինը 1997-ին էր) ու կլինի առնվազն նույնքան ազդեցիկ, որքան ՀՀ նախագահի պաշտոնը զբաղեցնող Սերժ Սարգսյանը…

Մի քանի տեղեկատվություն եմ ուզում կիսել.

1.
Երեկ Լեւոն Տեր-Պետրոսյանը երեկվա հանրահավաքում հայտարարեց, որ Պաշտպանության փոխնախարարներ Մանվել Գրիգորյանն ու Գագիկ Մելքոնյանը ժողովրդի հետ են ու պաշտպանելու են ժողովրդի վստահությանն արժանացած թեկնածուին, որ գեներալ Գրիգորյանը ասել է, թե բանակը քաղաքականությանը չի խառնվելու։

Դրանից հետո  ՊՆ մամուլի քարտուղար Սեյրան Շահսուվարյանն ասել է, թե «ինքը լիազորված է փոխնախարարների անունից ասելու, որ նրանք չեն սատարում Տեր-Պետրոսյանին»։

Ինչքան ես գիտեմ, երկու հայտարարությունների մեջ էլ մի փոքր անճշտություն կա։

Իմ տեղեկություններով, գեներալ Մանվելի հայտարարության մեջ «պաշտպանելու են ժողովրդի վստահությանն արժանացած թեկնածուին» արտահայտությունը չի եղել, Տեր-Պետրոսյանն այն ավելացրել է։
Մյուս կողմից էլ, Սեյրան Շահսուվարյանի հայտարարությունը փոխնախարարների հերքման մասին, առնվազն Մանվել Գրիգորյանին չի վերաբերվում։ Ինչքան ես գիտեմ, Գեներալ Մանվելը ոչ հերքել է այդ տեղեկատվությունը, ոչ էլ մասնակցել է Ռոբերտ Քոչարյանի մոտ փետրվարի 21-ի ուշ երեկոյան կայացած բանակի հրամկազմի խորհրդակցությանը։

2. Սերժ Սարգսյանը երեկ երեկոյան հարցազրույց է տվել Ֆրանսպրեսին ու ասել, որ իրենք Ազատության հրապարակի խաղաղ ցուցարարներին չեն ցրի, «փո նստեն թեկուզ 2 տարի»։ Բայց եթե նրանք կարգ խանգարեն, մյուս քաղաքացիներին խանգարեն, ոստիկանությունը կմիջամտի… Այսօր ընդդիմությունը պատրաստվում է երթ անել։ Եթե այդ երթն արտոնված չի, ապա ոստիկանությունը պահանջելու  է քայլել մայթերով ու չփակել փողոցները… Ու թե ինչ է լինելու հետո, կտեսնենք։

Իսկական սերը երեւան է գալիս ամուսնության մեջ՝ վերմակի տակ, իսկ քաղաքական կյանքում գաղտնի քվեարկության ժամանակ:

Մեր պետական քվեարկությունը թեեւ «գաղտնի» է կոչվում, բայց քաղաքացին ու պետությունը «պառկում» են ապակյա վերմակի տակ...

Այդ պատճառով էլ «կանգնում» տեղի չի ունենում, եւ մերձեցումը դառնում է անպտուղ:
Լեռ Կամսար

«Ազգը» տպել է Լեռ Կամսարի մտքերը ընտրությունների մասին... Տպագիր տարբերակը, փետրվարի 9-ի «Ազգում», ավելի ամբողջական է։

Նախագահացուները ոչ միայն սայթեր են բացում, այլեւ այնտեղ են տեղադրում իրենց լուսանկարները։ 

Ճիշտ է, Լեւոն Տեր-Պետրոսյանի սայթ- ում նրա անձնական արխիվի լուսանկարները շատ կարճ ժամանակ դրվեցին։ Տեր-Պետրոսյանի կողմնակիցները նախընտրեցին դրանք փոխարինել վիդեոներով։

Վազգեն Մանուկյանի սայթում էլ կարելի է տեսնել նրա՝ ղարաբաղյան պատերազմի տարիների նկարները։

Բայց դե, վարչապետ Սերժ Սարգսյանն այս հարցում գերազանցեց բոլորին։ Նրա սայթի Ալբոմ բաժինը շաաաատ հետաքրքիրն է։

Այստեղ, անձնական արխիվ բաժնում, կարելի է տեսնել Սերժ Սարգսյանի կնոջը, դուստրերին, մտերիմներին, տատիկներին, երիտասարդ Ռոբերտ Քոչարյանին ու Սերժ Սարգսյանին, պատանի Սերժ սարգսյանին, մանուկ Սերժ Սարգսյանին, զինվորական պարտադիր ծառայությունն անցնող Սերժ Սարգսյանին… 

Դե, իսկ Ալբոմի Ոչ պաշտոնական անվանված բաժնում Սերժ Սարգսյանի նոր ֆոտոսեսիան է։ Այստեղ ուշադիր եղեք նաեւ նրա սեղանի պարագաներին՝ շախմատը եւ սեղանի գիրքը՝ «Նապոլեոնը»…

Սերժ Սարգսյանի այս անձնական նկարների ցուցադրությունը,  իրականում, նրա մարդկային կերպարը ավելի հասկանալի դառնալուն օգնում են եւ կարող են օգտակար լինել վարչապետին քարոզարշավի ընթացքում։ 

Ի դեպ, սա «պատրաստի» սայթ է նախագահական «ռամկա»-ների մեջ տեղավորելու համար։ Եթե Սերժը ընտրվի, այն կարելի է «քշել» president.am-ի տակ։ Չէ որ, Ռոբերտ Քոչարյանի սայտն է, որ նաեւ անձնական լուսանկարներ է ցուցադրում։

Վազգեն Մանուկյանը, այնուամենայնիվ, դիմեց դատախազություն՝ պահանջելով քրեական գործ հարուցել «Հայկական Ժամանակ» թերթի դեմ՝ դեկտեմբերի 15-ին հրապարակված հոդվածի համար։ Նա դատախազությունից պահանջում է քրեական գործ հարուցել անձը վիրավորելու եւ զրպարտելու համար:

Մանրամասները՝ այստեղ։

«Վազգեն Մանուկյանի «Մայն կամպֆ»-«Իմ պայքարը» հոդվածը կարելի է կարդալ ՀԺ-ի այս էջում։

 Իմ կարծիքով,սա հետաքրքիր է դառնում։ Տեսնես, ինչ կասի դատախազությունը, ինչ պատիժ կստանա ՀԺ-ն, եթե պարզվի ճիշտը Մանուկյանն է ու հակառակը՝ ինչ կլինի Մանուկյանի հետ, եթե պարզվի ձեռագիրը նրանն է։ 
Ամեն ինչ դատախազության ձեռքերում է, իսկ հասարակությունը Հայաստանում, ինչպես հայտնի է, այդ գերատեսչությանը այնքան էլ չի վստահում։ Ու պետք է ասել, որ Վազգեն Մանուկյանը ամեն ինչ գնդակն ուղարկեց դատախազության դաշտ։

 

Ամերիկացիները մեզ առաջարկում են քվեարկության արդյունքներն ամփոփելիս օգտագործել տեղեկությունները SMS-ով փոխանցելու հնարավորությունները։

Ինչպես հաղորդում են Կենտրոնական ընտրական հանձնաժողովից, ԿԸՀ նախագահ Գարեգին Ազարյանը եւ ՀՀ ԱՄՆ գործերի ժամանակավոր հավատարմատար Ջոզեֆ Փեննինգթոնը  խոսել են  առաջիկա նախագահական ընտրություններում տեղամասային ընտրական հանձնաժողովներից ընտրատարածքային և կենտրոնական ընտրական հանձնաժողովներ քվեարկության մասնակիցների թվի վերաբերյալ SMS հաղորդագրությունների միջոցով արագ տվյալներ հաղորդելըու գործընթացի կիրառման մասին:

Գաղափարը, SMS-ներով անցկավող հեռուստատեսային եւ ռադիո շուոների, մրցույթների, խաղերի ֆոնին, առաջադիմական է եւ, այսպես ասած, ժամանակի շնչով։ 

Մնում է, որ  ԱրմենՏելն ու Վիվասելը, որպես ակցիայի, շոուի ընտրությունների հովանավորներ, հատուկ հեռախոսահամարներ տան ընտրական հանձնաժողովներին ու փոխարենը SMS-ների համար կարգին գին սահմանեն՝ 250-300 դրամ մեկ ուղարկված SMS-ի համար։

«Առավոտ»-ում ուշագրավ հարցազրույց կա հրապարակված։ Խոսել է Էրեբունի համայնքի թաղապետ Մհեր Սեդրակյանը։ (Նկարը՝ Առավոտի)



Հարցազրույցում, 1989-96թթ.-երի մասին որոշ հիշողություններ պատմելուց բացի,  Սեդրակյանն ասում է՝

«Էն մեթոդները, որ կիրառել են իրանք 96-ին իմ քույրերի, ընկերուհիների, մեր թաղի կանանց գլխին՝ ես նույն բաներն անելու եմ իրանց տղամարդկանց գլխին: Ես կին ծեծող չեմ: Իրանք իմ կողմից ներվել էին, բայց իմ արած բոլոր լավություններից հետո իրանց մեջ իմ նկատմամբ չարությունը պահպանվում է, դրա համար էլ պատասխանելու եմ»

Հատաքրքիր է, թե ում է ուղղված այս, այսպես ասած՝ «մեսիջը»՝ «թաղի տղեքի՞ն», մարդկանց, ովքեր փորձելու են աշխատել ԼՏՊ-ի օգտի՞ն։ Գուցե Սերժ Սարգսյանի՞ն, թե տես ես ինչ կանեմ քեզ համար։ Ամեն դեպքում, հարցազրույցը «շոկային» է ստացվել։ 

Սպասենք Սեդրակյանի գործողություններին ու սպառնալիքների իրականացմանը նախընտրական շրջանում, ընտրությունների օրը եւ, իհարկե, հետընտրական շրջանում։

ՀՀԿ 11-րդ համագումարը տեսնելու բան էր, բայց կփորձեմ մի քիչ պատմել։ 

Գնացի «Դինամո» ու մտնում եմ դահլիճ։ Իսկ այնտեղ, մինչեւ համագումարը սկսելը՝ դատարկ աթոռների շարքերում բոյով սիրուն աղջիկների բազմություն է՝ ՀՀԿ-ի զինանշանով ժիլետները հագներին։ Էտ աղջիկները հյուրերին դահլիճում տեղավորվելու հարցում օգնելու համար էին՝ ինչպես կինոդահլիճում էլի։ 

Մամուլում արդեն գրվել է, որ հեռուստաընկերությունները խոսքները մեկ արած (ախր շատ միահամուռ են, է) եթեր են կանչում ՕԵԿ նախագահ Արթուր Բաղդասարյանին։ 
կարծիք կա, որ հենց նա է Ռոբերտ Քոչարյանի ասած թեկնածուն, որը ավելի շատ «ռեյծինգ» ունի, քան Լեւոն Տեր-Պետրոսյանը։ 
Այդ մասին եւ Սերժ Սարգսյանի սխալների մասին առաջարկում եմ կարդալ քաղաքական տեխնոլոգիաների մասնագետ Արմեն Բադալյանի հարցազրույցը։Այն հասանելի է նաեւ անգլերեն լեզվով։