An Armenian Reporter's Notes

Համաներումը նաեւ ընտրակեղծարարների համար էր լավ։ Նրանցից երկուսը դատապարտվել էին հունիսի 16-ին եւ արդեն համաներման շնորհիվ ազատության մեջ են։ Մեկն էլ դատապարտվեց եւ ազատ արձակվեց այսօր։

Ձայների հաշվարկի վիդեոն 8/33 ընտրատեղամասում: Այստեղ հաղթել է ԲՀԿ-ն: Իրականացվել է կարուսել: Վիդեոյում երեւում է, որ շատերը կարմիր եւ կանաչ գրիչներով են քվեարկել: Դա, ըստ երեւույթին, եղել է ԲՀԿ-ի "իշմար"-ը: Համենայն դեպս, ձայների հաշվարկի ժամանակ մի ԲՀԿ-ակողմնակից երիտասարդ իր համար թղթի վրա նշում է, թե քանի կանաչ եւ քանի կարմիր գույնի գրիչով քվեարկություն կա... ստուգում է էֆեկտը...

Եւ, ընդհանրապես, ուրախ վիդեո է

Դատախազությունից ասում են, որ լրատվամիջոցներում ընտրախախտումների մասին լուրերի մեծ մասը հորինված են։ Շենգավիթում ընտրական կարուսելի մասին այս լուրը եւ վիդեոն նվիրում եմ նրանց։

Երեւանում ընտրություններ են. ընտրախախտումները, ընտրակաշառքները անպակաս է. ինչպես միշտ, լավագույն ավանդույթներով։

Երեկ դիտե՞լ եք Երեւանի ավագանու ընտրությունների նախընտրական քարոզչությանը ժամը։ ՀԱԿ-ի րոպեները հատկացվել էին հետախուզման մեջ գտնվող Նիկոլ Փաշինյանին։

Իսկ դուք տեսե՞լ եք Գագիկ Բեգլարյանի բլոգը։

Աժ նախագահ Հովիկ Աբրահամյանն այսօր խոսել է ՀՀԿ-ԲՀԿ սովորական դարձած ծեծուջարդերի մասին։

«Մարդիկ ակտիվ են եւ փորձում են մեկը մյուսից ձայներ տանել։ Ես բնական եմ համարում։ Չմոռանանք, որ ցուցակներում կան նաեւ թաղապետարանների ավագանիների անդամներ, ովքեր ուզում են վերընտրվել Երևան քաղաքում։ Ես նորմալ եմ համարում։ Ուղղակի, պետք է ամեն ինչ անենք, որ ծեծկռտուքները վերացնենք»,- ասել է ԱԺ նախագահը։

Փաստորեն, նորմալ է, որ իրար ծեծում են։ Բայց դե, ԱԺ նախագահն առաջարկում է վերացնել ծեծկռտուքները։
Ուզում է, որ անբնական լինի, էլի։

Երեւանցիները շուտով ավագանի ու քաղաքապետ են ընտրելու։

Մեր քաղաքում կան թաղամասեր, որտեղ ավագանու թեկնածուները դժվար թե հասնեն. Սարիթաղ, սողանքից տուժած տներ.

Ավտոբուսն արդեն մոտ 15 րոպե է՝ սպասում է ուղեւորների, իսկ աղբամանից փչող գարշահոտությունը դառնում է ավելի ու ավելի համառ: Վերջապես վարորդը որոշում է, որ շարժվելու ժամանակն է: Դռ, դռ, դռռռռ… ու ավտոբուսն օրորվելով առաջ է գնում: Մեր ետեւում նստած է տիկին Ջուլիետան, ով, պարզվում է, Սարի թաղի 14-րդ փողոցում է բնակվում: Նա ասում է, որ Վարդենիսցի բարեկամները, երբ իրեն հյուր են գալիս, միշտ ծաղրում են. «Մենք էլ գիտենք` հորքուրը քաղաքում է ապրում. մեր գեղը ձեր թաղամասից լավն է»:

Հատուկ ռեպերտաժի տեքստը՝ այստեղ։

Մայիսի 1-ին նախ միտինգ արին կոմունիստները, հետո էլ Լեւոն Տեր-Պետրոսյանի ղեկավարած ՀԱԿ-ը։