An Armenian Reporter's Notes

Երեկ իրիկունը ալիքները փոխելիս ընկա Կարգին հաղորդման վրա։ Հովանավորներին ներկայացնելու պահն էր։ Ու ի՞նչ եմ լսում։ Կարգինի հովանավորների թվում է նաեւ ՀՀ Ֆինանսական համակարգի հաշտարարի գրասենյակը։
Երեւի այս պետական, ՀՀ ԿԲ-ի կողմից հիմնադրած կառույցում շուկան ուսումնասիրել են ու գտել են, որ իրենց ծառայություններով հետաքրքրվածները հատկապես Կարգին հաղորդումն են նախընտրում։
Հումորային այս հաղորդման վարողներ Հայկոն ու Մկոն շատ լուրջ տեսքով բացատրում էին, որ ֆինանսական, օրինակ, ապահովագրական վեճեր ունենալու դեպքում, կարելի է դիմել Ֆինանսական համակարգի հաշտարարի գրասենյակ։ Առնվազն հետաքրքիր էր։

Երեկ դիտե՞լ եք Երեւանի ավագանու ընտրությունների նախընտրական քարոզչությանը ժամը։ ՀԱԿ-ի րոպեները հատկացվել էին հետախուզման մեջ գտնվող Նիկոլ Փաշինյանին։

Երեւանցիները շուտով ավագանի ու քաղաքապետ են ընտրելու։

Մեր քաղաքում կան թաղամասեր, որտեղ ավագանու թեկնածուները դժվար թե հասնեն. Սարիթաղ, սողանքից տուժած տներ.

Ավտոբուսն արդեն մոտ 15 րոպե է՝ սպասում է ուղեւորների, իսկ աղբամանից փչող գարշահոտությունը դառնում է ավելի ու ավելի համառ: Վերջապես վարորդը որոշում է, որ շարժվելու ժամանակն է: Դռ, դռ, դռռռռ… ու ավտոբուսն օրորվելով առաջ է գնում: Մեր ետեւում նստած է տիկին Ջուլիետան, ով, պարզվում է, Սարի թաղի 14-րդ փողոցում է բնակվում: Նա ասում է, որ Վարդենիսցի բարեկամները, երբ իրեն հյուր են գալիս, միշտ ծաղրում են. «Մենք էլ գիտենք` հորքուրը քաղաքում է ապրում. մեր գեղը ձեր թաղամասից լավն է»:

Հատուկ ռեպերտաժի տեքստը՝ այստեղ։

Երեւի տեսել, կամ առնվազն լսել եք ԱԼՄ-ի սեփականատեր, ԺԿ-ի ղեկավար եւ Երեւանի քաղաքապետի թեկնածու Տիգրան Կարապետյանի՝ «Կենտրոն TV»-ի Պետրոս Ղազարյանին տված հարցազրույցի մասին։

YouTube-ի ustachale ալիքում այդ հարցազրույցն է՝ 5 կտորով։

Ահա դրանք.

http://www.youtube.com/watch?v=yOOxGrGaRIU

http://www.youtube.com/watch?v=fS8PiDXVuAI

http://www.youtube.com/watch?v=4eQiS8l_gOs

http://www.youtube.com/watch?v=Swjqzgb0jFA

http://www.youtube.com/watch?v=ONag8Ia-zAA

Այսօր Հայաստանում հերթական անգամ լրագրող է ծեծի ենթարկվել։ «Շանթ TV»-ի մեկնաբան Նվեր Մնացականյանը։
Շատացել են այս կարգի դեպքերը, ասեմ ձեզ...

Երեկ այնպես ստացվեց, որ տանն էի մնացել ու լուրեր էի դիտում։ Գրեթե բոլոր TV ալիքները հաղորդեցին «Նախագահ Սերժ Սարգսյանն ընդունել է Հայ ավետարանական համաշխարհային խորհրդի նախագահին» լուրը։

Նախագահ Սերժ Սարգսյանն այսօր ընդունել է Հայ ավետարանական համաշխարհային խորհրդի նախագահ վերապատվելի Հարություն Սելիմյանին եւ Հայաստանյայց ավետարանական եկեղեցու նախագահ վերապատվելի Ռենե Լեւոնյանին:

Զրուցակիցներն անդրադարձել են հայ ավետարանական եկեղեցու գործունեությանը, տարբեր ոլորտներում Հայաստանում իրականացվող բարեգործական եւ զարգացման ծրագրերին: Վերապատվելի Հարություն Սելիմյանը նշել է, որ հայ ավետարանական եկեղեցու գործունեության առանցքն իր զավակների հայեցի ու քրիստոնեական դաստիարակությունն է, իսկ նպատակը` Հայաստանին սատարելն է, Մայր Հայրենիքի հոգեւոր վերելքին ու զարգացմանն աջակցելը:

Հանրապետության Նախագահը մեկ անգամ եւս կարեւորել է աշխարհասփյուռ հայության ներուժի համադրումը` ի շահ Հայրենիքի ու մեր ժողովրդի, բարձր գնահատել Հայաստան-Սփյուռք կապերի ամրապնդման ու հայապահպանության բնագավառում հայկական կազմակերպությունների եւ մեր հայրենակիցների գործադրած ջանքերը:

Ու ինչքան նայում էի, մի հեռուստաընկերություն չեղավ, որ, այսպես ասած, feedback տար։ Ախր, մի օր առաջ էր, որ Մայր Աթոռը հայտարարություն էր տարածել, մասնավորապես նաեւ Ավետարանչական եկեղեցու գործունեության մասին։

Հիմա ո՞վ է հավատում, որ ավետարանիչների հանդիպումը Սերժ Սարգսյանի հետ կապ չուներ Մայր Աթոռի հայտարարության ու «Օկլահոմայի երգող տղամարդիկ»-ի այցի հետ։ Բայց TV-երին ի՞նչ կա։ Լուր է՝ ճպպացնում են։

2002թ.-ի ապրիլի 2-ին փակվեց «Ա1+»-ը։ Հեռուստաընկերություն, որտեղ ես աշխատում էի։
 

Անցյալ շաբաթ մեկնեցի Ռուսաստան՝ Վլադիկավկազ։ Ինքնաթիռով մինչեւ Մինվոդի, այնտեղից էլ ՝մեքենայով մինչեւ «դեպքի վայր»։

Երեան
Անհարմարությունները սկսեցին «Զվարթնոցում»։ Մեր ինքնաթիռը Մինվոդի թռավ մոտ 6 ժամ ուշացումով։ Դա դեռ ոչինչ։
Ամեն անգամ Հայաստանի սահմանը հատելիս իմ հետ առանձին զրույց են ունենում մեր սահմանապահները։ Անձնագրումս Ադրբեջան այցելելու կնիք կա։  1999թ.-ին եմ գնացել։ Հարցնում են՝ երբ, ինչի համար, ում աջակցությամբ։ Եւ այլն։ սովորաբար, դա 5 րոպեից ավելի չի տեւում։ Այս անգամ անձնագիրս տարան մի փոխգնդապետի մոտ։ Սա հարցեր տվեց երկար-բարակ, կազմակերպությունների անուններ հարցրեց։ Մի խոսքով, 20-25 րոպե տեւեց մինչեւ անձնագիրս հետ ստացա....

( պատմություն ռուս ԳԲ-շնիկների, սահմանապահների ու գաիշնիկների մասին... )

Այսօրվա «Հայկական Ժամանակ»-ում տեղեկատվություն կա մարտի 8-ին ՀՀ նախկին նախագահ Ռոբերտ Քոչարյանի մի խորհրդանշական նվերի մասին։

Ինչպես տեղեկացրել էինք, ժամանակին, ԱԺ «Ժառանգություն» խմբակցության պատգամավոր Զարուհի Փոստանջյանը հունվարի 1-ին քաղաքական գործիչներին խորհրդանշական բացիկներ էր ուղարկել։ Օրինակ՝ Ռոբերտ Քոչարյանին գանգերի նկար էր ուղարկել, Լեւոն Տեր-Պետրոսյանին՝ Մալեւիչի «Սեւ քառակուսին», Երեւանի նախկին քաղաքապետ Երվանդ Զախարյանին՝ բետոնե պատերով շենքերի նկարներ եւ այլն։ Եւ ահա Ռոբերտ Քոչարյանը որոշել է Զարուհի Փոստանջյանին մարտի 8-ի առթիվ պատասխան բացիկ ուղարկել։ Երեկ ԱԺ «ժառանգության» խմբակցությունում հաստատեցին մեր տեղեկություններն այն մասին, որ Քոչարյանը Զարուհի Փոստանջյանին ուղարկել է ֆրանսիացի աշխարհահռչակ էքսպրեսիոնիստ Տուլուզ Լոտրեկի «Երկու կիսամերկ կանայք Մուլեն Ռուժում» հայտնի նկարի բացիկը

Ես նայեցի Լոտրեկի նկարները։ ՀԺ-ի գրած անունով նկար չգտա։ Ըստ երեւույթին, նրանք նկատի ունեն "Two Half Naked Women Seen From Behind In The Rue Des Moulins Brothel" նկարը։ Ըստ երեւույթին, այս նկարն է Քոչարյանի նվիրած բացիկին։ 

Լուսանկարը՝ www.toulouse-lautrec-foundation.org-ից

Պաշտոնաթող գեներալ Մանվել Գրիգորյանի հարցազրույցը «Առավոտ»-ին արժե կարդալ։ Հատկապես այս արտահայտությունը, որ նաեւ վերնագիրն է՝ Ում տալու տեղը չի ցավում, թող էթա՝ տա: 

Ահա հարցազրույցի այդ հատվածը։ 

- Դուք լսե՞լ եք, ասում են՝ ինչ- որ տարածքներ են հետ տալու:

- Ես շատ վիրավորվում եմ, որ ընձի հայուհի ա հարցնում նման բան: Ղարաբաղը անկախ, ազատ պետություն ա, իր արյամբ ձեռք բերված: Ինչի՞ մասին եք հարցնում, թուրքերից ես էսքան չեմ լսում, որ հող են ուզում, ինչքան հայերը ասում են՝ տալիս ենք, տալիս ենք: Ում տալու տեղը չի ցավում, թող էթա՝ տա:

 

Անցած շաբաթ հաղորդումներ եղան Աշտարակի դպրոցներից մեկում պայթուցիկի մասին կեղծ հաղորդագրությունների մասին։ Կեղծ ահազանգողին բռնել են։

Պարզվում է, մարդը կեղծ ահազանգ է տվել, հետո տեսախցիկով «լրիվ պատահական» հայտնվել է «դեպքի վայրում», նկարահանել է իրարանցումը ու վաճառել «Շանթ TV»-ին։ 15 հազար դրամով։ Երկու անգամ։ Աշխատել է, փաստորեն 30 հազար դրամ։

Ոստիկանությունը հաղորդում է.

Նախաքննության ընթացքում ոստիկանության Արագածոտնի մարզային, քննչական վարչությունների, Աշտարակի բաժնի եւ Արագածոտնի ազգային անվտանգության ծառայության աշխատակիցների ծավալուն օպերատիվ-հետախուզկան միջոցառումների շնորհիվ փետրվարի 21-ին կասկածանքով բերման ենթարկվեց ու ձերբակալվեց Աշտարակ քաղաքի Մուղնի թաղամասի բնակիչ, 1987 թ. ծնված Գոռ Աղաջանյանը։

Աղաջանյանը խոստովանական ցուցմունք տվեց, որ ահաբեկչության մասին սուտ հաղորդում տալու երկու դեպքի հեղինակն էլ ինքն է։ Բացի այդ, նա հայտնեց, որ կեղծ ահազանգերից հետո իր տեսախցիկով դեպքի վայրում նկարահանել է իրադարձությունների զարգացումը, իսկ նախապատրաստված նյութերը 15000-ական դրամով վաճառել «Շանթ» հեռուստաընկերությանը։

Ասեմ, որ հնարամիտ տղա է, բայց 30 հազարի համար, չարժեր։

Այսօրվանից ԱԺ-ում մի նորամուծություն է  գործում։ Հեռուստաընկերությունների օպերատորները ԱԺ դահլիճում կարող են նկարահանել միայն առաջին կես ժամվա ընթացքում։
Օրվա մնացած մասում ԱԺ աշխատանքի մասին պատմելու համար լրագրողները պետք է վերցնեն ԱԺ-ի օպերատորների նկարահանած կադրերը։
Դրանք հեռարձակվում են ԱԺ միջանցքներում, երկու մեծ էկրաննի վրա։ Ճիշտ է, լրագրողները կարող են ԱԺ դահլիճ մտնել, սակայն նկարահանում իրականացնելու իրավունիքց արդեն զրկվել են։

Ճիշտ է, կադրերի որակն այնքան էլ լավը չէ։ Օպերատորներն ու լրագրողները բողոքում են։ Ընդ որում, բոլորը՝ Հ1, հ2, ու մնացածները։ Նորամուծությունը, ասում են, սահմանափակում է նրանց աշխատանքը։

ԱԺ-ն, դահլիճում նկարահանումները սահմանափակելով, ընդօրինակել է ՀՀ կառավարության եւ դատարանում «7-ի գործի»  փորձը։
Կառավարությունում էլ լրագրողները նիստին էկրանից են հետեւում։ «7-ի գործ»-ը հեռարձակվում է դատական դահլիճի կողքի սենյակում։ 

«Առավոտ»-ի ընթերցողներն արդեն իրենց շահերի պաշտպանն ունեն։ Թերթի ընթերցողների օմբուդսմենի պաշտոնում նշանակվել է լրագրողական դաշտում հայտնի անձնավորություն՝ Երեւանի մամուլի ակումբի փորձագետ Մեսրոպ Հարությունյանը։

Կարծեմ, սա առաջին դեպքն է, երբ հայաստանյան լրատվամիջոցը ընթերցողի շահերի պաշտպան է ունենում։ 

Ընդհանրապես, «Առավոտը» Հայաստանի մեդիա դաշտի վերջին շրջանի գլխավոր նյուսմեյքերն է։
Նախ, թերթը 16 էջ դարձավ ու թանկացավ 50 դրամով։
Վերջերս Արամ Աբրահամյանը «բացեց կոմենտները»՝ ընթերցողները թերթի էլեկտրոնային տարբերակում Արամ Աբրահամյանի խմբագրականները մեկնաբանելու հնարավորություն ստացան։
Հիմա էլ՝ ընթերցողների օմբուդսմենը։ Լավ է։

Ազգային Ժողովում քննարկվում է Հեռուստատեսության եւ ռադիոյի մասին օրենքի հերթական փոփոխությունները։
Չխոսեմ այդ փաստաթղթի այլ մանրամասների մասին։ Ուղղակի մի դետալ՝ օրինագծով նախատեսվում է, որ  Ալեքսան Հարությունյանի ղեկավարած Հանրային հեռուստառադիոընկերության խորհրդի եւ Գրիգոր Ամալյանի ղեկավարած Հեռուստատեսության եւ ռադիոյի Ազգային հանձնաժողովի  անդամները պետք է իրենց պաշտոնին անցնելիս երդվեն։

Ահա մեջբերում օրինագծի Հոդված 14-ից   

Խորհրդի յուրաքանչյուր անդամ իր պաշտոնը ստանձնելիս տալիս է հետեւյալ երդվում է. «Ստանձնելով Հանրային հեռուստառադիոընկերության խորհրդի անդամի պարտականությունները՝ երդվում են հավատարիմ լինելով Հայաստանի Հանրապետության Սահմանադրությանը եւ օրենքներին, պաշտպանել Մարդու իրավունքները եւ հիմնարար ազատություններիը, աջակցել քաղաքացիական հասարակության ձեւավորմանը՝ մարդու արտահայտվելու իրավունքի, տեղեկատվության ազատության եւ բազմակարծության ապահովման միջոցով։

Երդվում եմ, որ պատականություններս կկատարեմ անաչառ, առավելագույն բարեխղճությամբ եւ ազնվությամբ, կգործեմ հրապարակայնության, անկողմնակալության եւ արդարության սկզբունքով։»։

 Եւ հոդված Հոդված 24-ից

Ազգային հանձնաժողովի յուրաքանչյուր անդամ իր պաշտոնը ստանձնելիս տալիս է հետեւյալ երդվում է.

«Ստանձնելով Ազգային հանձնաժողովի  անդամի պարտականությունները՝ երդվում են հավատարիմ լինելով Հայաստանի Հանրապետության Սահմանադրությանը եւ օրենքներին, պաշտպանել Մարդու իրավունքները եւ հիմնարար ազատություններիը, աջակցել քաղաքացիական հասարակության ձեւավորմանը՝ մարդու արտահայտվելու իրավունքի, տեղեկատվության ազատության եւ բազմակարծության ապահովման միջոցով։

Երդվում եմ, որ պատականություններս կկատարեմ անաչառ, առավելագույն բարեխղճությամբ եւ ազնվությամբ, կգործեմ հրապարակայնության, անկողմնակալության եւ արդարության սկզբունքով։»

Երդվելը՝ կերդվեն։ Բայց հետաքրքիր է՝ ձեռքը ինչի՞ վրա են դնելու՝ Աստվածաշնչի, ՀՀ Սահմանադրության։ Ու ի՞նչ է լինելու, եթե պարզվի, որ դրժել են երդումը, ասենք, քաղաքական պատվեր են կատարել...

Այսօր facebook-ում ինձ ընկերություն է առաջարկել Գագիկ Ծառուկյանի ղեկավարած Բարգավաճ Հայաստան Կուսակցությունը (ԲՀԿ)։ Պրոֆայլում կուսակցությունն է՝ ներկայացված սոցիալական ցանցում։



Նկարը՝ Facebook-ի ԲՀԿ էջից։

Գործում է նաեւ ԲՀԿ-ի բլոգը wordpress-ում։

Ներխուժում են, աստիճանաբար, քաղաքական ուժերը նոր մեդիաներ։ Սպասենք բիզնեսների, ՀԿ-ների ակտիվությանը։
 

Գնում եմ «7-ի գործի» դատերին։ Այսօր պարզվեց, որ լրագրողներին էլ դահլիճ չեն թողնում։ Մի սենյակ են տվել մեզ, որտեղից հեռուստացույցով տեսնում ու լսում ենք դատական դահլիճում կատարվածը։

Սահմանափակել են մեր աշխատանքը՝ ըստ երեւույթին՝ իշխանությունների արածն է։

Հիմա մի ուրիշ լուր։

Կիրակի օրը ընդդիմության՝ Հայ ազգային կոնգրեսի համաժողովին «Հայլուր»-ին դահլիճ չեն թողել։ Էս դեպքում էլ ընդդիմությունն է սահմանափակել լրագրողների աշխատանքը։

Ու էսպես էլ աշխատում ենք՝ իշխանության ու ընդդիմության, ցուցարարների ու ոստիկանների արանքում։

Մյուս տարվանից «Առավոտը» կարժենա 150 դրամ։ Փոխարենը, 2009թ.-ից թերթը կլինի 16 էջանոց։ Արամ Աբրահամյանը դիմել է ընթերցողներին։

Պարզվում է, կարելի է ծրարի վրա գրել «Երուսաղեմ, Աստծուն», եւ ուղարկել նամակը։

Տեղի փոստի աշխատակիցը կբացի նամակը, ու այն խնամքով կտեղադրի իր նախատեսված վայրում՝ Երուսաղեմի Արցունքի պատի ճեղքերում։

Այս մասին հոդվածը Գարդիանում, ու նաեւ ռուսերեն կարճ տարբերակը։
 

Ականջդ կանչի, Kornelij... Հիմա էլ «Առավոտ»-ի գործը «Արմինֆո»-ն է շարունակում։

«Արմինֆո»-ից ստանում եմ հետեւյալ լուրը

Առաջին անգան հրապարակվել են ղարաբաղյան հակամարտության կարգավորման «Մադրիդյան սկզբունքները»

Երևան: 17.11.08: ԱրմԻնֆո: Ադրբեջանի և Հայաստանի հասարակայնությունից թաքցված «Մադրիդյան սկզբունքները», որոնց հիման վրա երկու երկրների նախագահները համաձայնել են զարգացնել հաշտության բանակցային գործընթացը, արդեն գաղտնիք չեն: Տեքստը վերցվել և թարգմանվել է http://www.crisisgroup.org/home/index.cfm?id=5157&l=3 կայքից: Ներկայացնում ենք «Հանձնարարականն» վերնագրով տեքստը:
 
Ուրեմն, Crisis Group-ի նշված լինքում Crisis խմբի ռեկոմենդացիաներն են ԵԱՀԿ ՄԽ-ին, Երեւանին, Բաքվին։ Ռեկոմենդացիաներ են, թե ինչ անել պատերազմից խուսափելու համար։

 

( «Արմինֆո»-ի լուրն ամբողջությամբ )

 

www.publictv.am -ից կապվեցի հետս ու ասացին, որ 48 ժամվա ընթացքում կուղղեն խնդիրը։

Հիմա այդ հասցեն ուղղակի չի բացվում։