 |
|
|
|
|
|
|
|
|
|
Գործընկերս շաբաթը մեկ անգամ ֆուտբոլ է խաղում նախկին Ձերժինսկու դպրոցի սպորտ դահլիճում։ Արդեն մի 2 տարի է, ընկերներով կիրակի օրերը գնում են այդ դպրոց ու խաղում են։
Պատմում է, որ էտ դպրոցի միջանցքով անցնելիս նկատել է մի ցուցանակ, որից մարդիկ տեղեկանում են, որ համակարգչային դասարանը ստեղծվել է ԱԺ պատգամավոր Խաչատուր Սուքիասյանի հովանավորությամբ։
Ուրեմն, մեկ ամիս է, այդ ցուցանակը չկա։ Ըստ երեւույթին, քաղաքական հայացքների համար հետախուզման մեջ գտնվող գործարարին շնորհակալություն հայտնող ցուցանակը պատից պոկել են քաղաքական կոռեկտությունը պահելու համար։
Ի՞նչ են անելու, երբ քաղաքական իրավիճակը փոխվի։ Ի՞նչ է անելու գործարարը, ուրիշ դպրոցի համար որեւէ լավ բան անելու՞ է։
Խոսքն, իհարկե, կոնկրետ այդ գործարարի մասին չէ։ Խոսքը հասարակության մասին է։Tags: politics
|
|
|
|
|
|
|
|
|
|
|
|
|
|
|
|
|
«Հայ քաղաքական կյանքին խորթ «կլան» հասկացությունը իրողություն դարձավ Քոչարյանի ժամանակ: Խնդրում եմ ինձ ճիշտ հասկանալ, ես բնավ էլ հակված չեմ ստվեր գցելու Քոչարյանի ողջ գործունեության վրա: Քավ լիցի, առկա են նաեւ հաջողությունները: Սակայն գուցե անաչա՞ռ լինենք: Անկախ Հայաստանի երկրորդ նախագահը ժառանգություն թողեց կոռումպացված, կլանային-օլիգարխիական պետություն, որտեղ, ինչպես ասվեց, հարուստների ցինիկ ճոխության ֆոնի վրա փաստորեն կոնսերվացվել է բնակչության մեծ մասի թշվառությունը: Գործազրկությունը դարձել է չարիք, աշխատավարձը ողորմելի է, գյուղերը թշվառ վիճակում են, հասարակությունը երկփեղկված է, հայաստանցիների գերակշիռ մասը գոյություն է պահպանում սփյուռքի ու դրսում աշխատող իրենց բարեկամների օգնության շնորհիվ: Եվ դեռ խոսում են տնտեսական «աներեւակայելի» հաջողությունների մասին... Ինչի՞ մասին ենք խոսում, երբ անբավականություն ու դժգոհություն է հայտնում նաեւ համեմատաբար բարեկեցիկ խավը:
Սա մեջբերում է «Ազգին» Հայաստանի կոմկուսի կենտկոմի նախկին առաջին քարտուղար Սուրեն Հարությունյանի հարցազրույցից։
Հարցազրույցում էլի ուշագրով մտքեր կան։ Արժե այն կարդալ։Tags: politics
|
|
|
|
|
|
|
|
|
|
|
|
|
|
|
|
|
Այսօր Ազգային Ժողովում ուրախ էր։ Կառավարության ծրագրի քննարկումից հետո, քվեարկությունների ժամանակ լրագրողները նկատել էին, թե ինչպես է ՕԵԿ-ական նորանշանակ Կապի եւ տրանսպորտի նախարար, դեռ մի 10 օր առաջ ԱԺ պատգամավոր Գուրգեն Սարգսյանը մի քանի անգամ քվեարկում ուրիշ պատգամավորի փոխարեն։
Ու ոչ միայն տեսել էին, այլեւ նկարահանել։ Տեսագրությունը ես էլ տեսա։
Նախարարը, ախր, ոչ միայն ուրիշի փոխարեն իրավունք չունի քվեարկել, ախր, ինքն էլ քվեարկելու իրավունք չունի։
Հարցնում ենք, պարոն նախարար, ինչու՞ եք քվեարկել։ Ասում է՝ սխալ եք տեսել, էտ ես չեմ եղել։ Ու էտպես՝ «սուխոյ ատկազ»։
Հիմա տեսնենք, քվեարկությունը նկարահանած կայանները կցուցադրե՞ն կադրերը։ Եթե չէ՝ ես կփորձեմ դրանք ունենալ եւ «յու-թյու-բել»Tags: interesting, parliament, politics
|
|
|
|
|
|
|
|
|
|
|
|
|
|
|
|
|
Երեկ վարչապետ Տիգրան Սարգսյանը հայտարարեց, որ գազի գինը Հայաստանում բարձրանալու է եւ կազմելու է 84 դրամ մեկ խորանարդ մետրի համար։
Սա սպասվող նորություն էր։ Բնակիչները վաղուց սպառած գազի համար վճարում էին դոտացիայով։ Պետությունը գինը դոտացիա էր անում ռուսներին տրված Հրազդանի ՋԷԿ-ի 5-րդ էներգաբլոկի գումարների հաշվին։ Ու ահա, այդ փողը վերջացավ։ Ու վերջացավ հենց Ռոբերտ Քոչարյանի իշխանությունից հեռանալուց հետո, ընտրությունների ավարտից հետո։
Սա իրոք, ծանր ժառանգություն է Սերժ Սարգսյանի համար, որովհետեւ, կարծես, գների թանկացումից հնարավոր չի լինի խուսափել։ Ինչպես ասում են, «նոր մարտահրավեր» նոր նախագահի համար։
Տեսնենք, ինչպես կհաղթահարի նախորդ նախագահի թողած դժվարությունները նոր նախագահը։
Ինձ համար ասեմ, որ համաձայն եմ, թեկուզ գործող սակագնի կրկնակին վճարել գազի համար, միայն թե ռուսների ազդեցությունը Հայաստանում նվազի։ Tags: economy, politics
|
|
|
|
|
|
|
|
|
|
|
|
|
|
|
|
|
Երեկ դիտում էի ԱԼՄ։ Տիգրան Կարապետյանը մի աղջկա մոտ հյուր էր։ Արտասանեց Արթուր Բաղդասարյաի մասին իր գրած բանաստեղծությունը՝
Պատիվդ տվեցիր ոսկուն,
եւ հեղափոխվեցիր իսկույն,
չնայեցիր էլ աջ ու ձախ,
Բիշարյանն էլ դոշիցդ կախ:
Ասելով ստեղծենք «օրինաց երկիր»,
գյումրեցու «շուլուխը» գլխներիս սարքիր,
իսկ գլուխգործոց «ծնելիությունը» փողով,
պայմանավորված էր ձեր տան բյուջեով:
Այժմ նստած ես դու նույն շենքում,
կրկին իշխանավորն է քեզ կնքում,
կը՜ռ-կը՜ռ, ագռավները իրար են կանչում,
ձեռքից կուտ են ուտում ու չեն ամաչում:
Հետո Կարապետյանը, մեկնաբանելով իր բանաստեղծության՝ Հեղինե Բիշարյանին նվիրված հատվածը, ասաց, որ հարգում է ՕԵԿ փոխնախագահին։ Հետո ավելացրեց՝ «հիմա Վահան Հովհաննիսյանը հրաժարական է տվել, կընտրվի Աժ փոխնախագահ ու կլինեն վերեւում Տիգրան Թորոսյանն ու երկու կին՝ երեք սոպրանո»։
Ափսոս, տեսագրությունը չկա…
YouTube-ը Տիգրան Կարապետյանին կարոտ է։ Կաշխատեմ լրացնել այդ բացը։Tags: interesting, politics
|
|
|
|
|
|
|
|
|
|
|
![[info]](http://p-stat.livejournal.com/img/userinfo.gif){kind=small}
reporter_arm's journal
Previous
