An Armenian Reporter's Notes

Ձայների հաշվարկի վիդեոն 8/33 ընտրատեղամասում: Այստեղ հաղթել է ԲՀԿ-ն: Իրականացվել է կարուսել: Վիդեոյում երեւում է, որ շատերը կարմիր եւ կանաչ գրիչներով են քվեարկել: Դա, ըստ երեւույթին, եղել է ԲՀԿ-ի "իշմար"-ը: Համենայն դեպս, ձայների հաշվարկի ժամանակ մի ԲՀԿ-ակողմնակից երիտասարդ իր համար թղթի վրա նշում է, թե քանի կանաչ եւ քանի կարմիր գույնի գրիչով քվեարկություն կա... ստուգում է էֆեկտը...

Եւ, ընդհանրապես, ուրախ վիդեո է

Դատախազությունից ասում են, որ լրատվամիջոցներում ընտրախախտումների մասին լուրերի մեծ մասը հորինված են։ Շենգավիթում ընտրական կարուսելի մասին այս լուրը եւ վիդեոն նվիրում եմ նրանց։

Երեւանում ընտրություններ են. ընտրախախտումները, ընտրակաշառքները անպակաս է. ինչպես միշտ, լավագույն ավանդույթներով։

Երեւանցիները շուտով ավագանի ու քաղաքապետ են ընտրելու։

Մեր քաղաքում կան թաղամասեր, որտեղ ավագանու թեկնածուները դժվար թե հասնեն. Սարիթաղ, սողանքից տուժած տներ.

Ավտոբուսն արդեն մոտ 15 րոպե է՝ սպասում է ուղեւորների, իսկ աղբամանից փչող գարշահոտությունը դառնում է ավելի ու ավելի համառ: Վերջապես վարորդը որոշում է, որ շարժվելու ժամանակն է: Դռ, դռ, դռռռռ… ու ավտոբուսն օրորվելով առաջ է գնում: Մեր ետեւում նստած է տիկին Ջուլիետան, ով, պարզվում է, Սարի թաղի 14-րդ փողոցում է բնակվում: Նա ասում է, որ Վարդենիսցի բարեկամները, երբ իրեն հյուր են գալիս, միշտ ծաղրում են. «Մենք էլ գիտենք` հորքուրը քաղաքում է ապրում. մեր գեղը ձեր թաղամասից լավն է»:

Հատուկ ռեպերտաժի տեքստը՝ այստեղ։

Մայիսի 1-ին նախ միտինգ արին կոմունիստները, հետո էլ Լեւոն Տեր-Պետրոսյանի ղեկավարած ՀԱԿ-ը։

Այսօր աշխատանքի գնացի տրոլեյբուսով։ 
Ստիպված էի։ Առավոտները կանգառներում մինի միտինգներ են։ Ավտոբուս կամ երթուղային տաքսի նստելը ֆանտաստիկայի ոլորտից է։ Այնպես, որ տրոլեյբուսը միակ ռեալ այլընտրանքն էր։ Ու կարեւորը՝ Մասիվից Կրկես ճանապարհը տրոլեյբուսն անցավ առանց խափանումների, բավականին արագ։ Դե. հոսանքն էլ չանջատվեց։ Ու տրոլեյբուսում էլ ազատ էր, շնչելու տեղ կար, հոտավետ չէր։

Ըհը, ձմեռն էլ եկավ, ու, բնականաբար, գետնանցումների գործը մնաց անավարտ, խցանումներն էլ (пробка, traffic) ավելի անտանելի դարձան։

Էն օրը քայլում էի Մաշտոցի պողոտայով, ու ակամա մտածում՝ էս երկաաաաար փողոցում  ի հատ գետնանցում կա, քաղաքի իշխանությունները սա այսպես չեն թողնի՝ սրանք կորոշեն, որ պրոսպեկտի ամեն մի խաչմերուկ մի գետնանցում պիտի ունենա։ 
Հա, բա ի՞նչ, բա ինչո՞վ են զբաղվելու մյուս տարվա վերջերը, որ Կոմիտասից ու Ռոսիայից ու մյուս կիսափակ, պրոբկայոտ փողոցներից պրծած լինեն։ Բա հո մարդիկ հանգիստ, առանց ներվայնանալու ու ուշանալու քաղաքում չե՞ն տեղաշարժվելու։ Ու էտ ամեն ինչը մեր համար, երեւանիցնե՛ր։